الخميس، 8 ديسمبر، 2011

the "bigest" theft in history



زمان عن الحكايات و التدوين و كل العالم اللي هنا /   وحشتوني صدق كل مره افتح البلوق وتيضربني العجز
كمان سمعت اشاعه من فتره والله اعلم بحقيقتها انه راح ينلغي blogger :( طبعا هالشغله خلتني مره ابرد واطنش البلوق اكثر واكثر -ــ-
وما حبيت الوورد بريس كمان احسه بثاره اجلس انزل و ارفع .، ابي شي جاهز كذا اسولف وطق الا و السالفه تلوح امامكم




من شويه كتبت عن حكاية بتويتر ، لكن قلت اكتبها لكم هون كمان =) ع الاقل تكون متسلسله ورى بعض 
بدل تفغيصها بـ ١٤٠ حرف ! 

الحكاية عن //
 .، احد اكبر سرقات بالتاريخ .،

واللي كانت من نصيب النازيين،  بأيام الحرب في الثلاثينات و الاربعينات
بدأت احتياطات الذهب حقتهم تخلص، فقالوا ما بدهاش نسرق..!!

فقامو النازيين سرقوا من الدول الاوربية الذهب اللي مخبينه بالبنوك المركزية
وتقريبا قيمته ٥٨٠ مليون دولار » ايوه هنا الواحد يبلع ريقه ويقول يالله الجنة!
طيب كيف ما ينصادوا!؟

جابو الذهب و ذوبوه و ختموه انه ذهبهم وملكيته ما قبل الحرب ( قمة الخباثه و الدهاء)
بعد كذا راحو باعوه مره ثانيه ع الدول الاوربية الغبية

ع بال ما الدول استوعبت بعد الحرب ان الذهب ملطوش والدول بدات تتطالب بذهبها .. (اومال ايه دي تحويشة العمر )
راحو اكبر ٣ دول جمعو الذهب من جديد و قرروا يتحققوا ويمسكوا كل ذهب ووين مصدره
ولا قدروا يتوصلوا الا لما يقارب ٦٤٪ يتاكدوا منه
و عملية التحقق كانت جدا بـطيئة ( واللي يثير الشك هل هالدول ٣ لعبت لعبتها برضه؟!)
والى الوقت الحالي والمشاكل على الذهب المسروق من النازيين قائمة باوروبا!!
النازيين طبقوا بالضبط مبدا (من  له حيلة فليحتال ) و (إن الحرب حيلة)

لكن بطريقتهم الخاصة!!




^ـ^ هاه كيف نجي نسرق حفر الشوارع ونبيعها ع الامارات



الثلاثاء، 6 سبتمبر، 2011

@mano_aziz | Webstagram - Instagram Web Viewer

كل عام وانتوا بالف صحة .، وعيدكم مبارك ولو انه كعادتي الميمونة متأخرة :$
الايفون ماكل بعقلي حلاوه .، مافي الا قوة قيمز واستعادة طفولة

و بحكم اني احب اصور كثير / صور ع قدي يعني لا تركزوا لي فيها
فمره حبيت الابلكيشن instagram
لكن كانت المشكلة ان الشخص ما يقدر يتصفحها اون لاين
لكن في سايت مره بطل يخليك تتفرج وتعلق و تسوي اللي بدك
وهنا يوزري
@mano_aziz | Webstagram - Instagram Web Viewer


ارسلوا لي يوزراتكم اعمل لكم فولو ❤

ونسيت احكي لكم .، عملت لي فليكر جديد
www.flickr.com/photos/mano_aziz2/
تشرفني انتقاداتكم
شفتكوا بعافية 

السبت، 11 يونيو، 2011

Brand ReversiOning


اللهم لا شفاء الا شفاءك اشف جدتي شفاءاً لا يغادر سقما 

وانا اتجول بالتويتر حصلت هذا الشي و جاز لي قلت بخاطري اجيبه لكم تتسلوا فيه..

مصمم شاطح بس شطحته لزيزه اوي ، اسمه غراهام سميث.
 غراهام عمل له بروجكت باسم عكس الشعارات / Brand Reversion 
يقول غراهام عن مشروعه :
Brand Reversion is a brand logo that has undertaken a creative change based on the visual style of another brand logo: Brand identities with a split personality.”

عكس الشعار التجارية  هو شعار تجاري اخر اتخذ تغيير ابداعي بناء على طراز بصري لشعار اخر: هوايات العلامات التجارية مع تقسيم شخصي

اللي عمله غراهام انه عكس / دمج فكرة كل شعارين لشركتين متنافسه 
وهذي تصاميمه


عكس / دمج قوقل و بينق


عكس / دمج ايفون و اندرويد




عكس/ دمج بلاك بيري و فليكر 
( كان ودي اشوف الفليكر كيف صار )


عكس / دمج كانون و نايكون



عكس / دمج يو بي اس و فيدكس 



عكس / دمج فيزا و ماستر كارد


عكس / دمج ماكدونالدز و برجر كنج 
( انلحس مخي نسيت اللوقو الاصلي لووول )



عكس / دمج بيتزاهت و دومينزبيتزا 




عكس / دمج كوكا كولا و بيبسي












في له كمان اكثر من لوقو بس ما اعجبتني سحبت عليها





اسمعوا البوم الرويشد انا في الخقق معاه 




الاثنين، 16 مايو، 2011

iPhOne 4.. white


ورجعوا بوستتي القديمه  لو ما رجعوها كان زعلت وهجرت البلوق » احه العاقله 
قبل اي حاجه : اعتذر من كل من صرخت عليه وعصبت وكل شي من شان الايفون بس انكم حرقتوا دمي قسمن!
واكره الاتصالات وكل يوم اكرهها وكل يوم اكره موظفينها .، واكره معاملتهم .، واكره الغش والتحايل اللي تعملوه الحمدالله يا رب اني ماني عميلتكم اكرهككم من كل قلبي !



حصل لي موقف بايخ جدا مع موظف شحتني يقول روحي قسم النساء بالدائري !! المصيبه اني داخله قسم النساء بفرع فهد تقاطع التحلية ! مو بغيت اصفقه الا بغيت امسك راسه وادخله بذا الشاشه اللي قدامه "اكرهك"


المهم انه بعد ما "نفست" عالعالم وعصبت وما ظل احد الا حسسته انه ما يسوى شي وما ينفع اتكل عليه
صحيت اليوم الصباح وتضبطت وركبت السياره وقلت روح موبايلي طرييق عبدالله ( وفيس معصب يقول خليهم بعد يشحتوني قسم اجلس عالباب اطر ايفون ابيض )
طبعا سحبت عالدوام لما ١١ بس مشي حالك اهم شي الايفون ، الخصم مع نفسه 

بعد ما وصلت ويستقبلني واحد شوي واخمممه من الفرحه لما قال لي "موجود ٣٢ بس لكن ١٦ خلص "
وانا اللي انطنط داخلياً و عامله برستيج خارجياً!
واجلس انتظر ع الكنبة الرمادية » دليل الفرحة ما نسيت الكنبة .،
خمس دقايق بالضبط الا يقول لي روحي على مكتب رقم ٤

بصراحه كنت اقاوم ما اركض! وتعرفوا القراوى اللي يصورو كل شي ويحطوه بقوالا ( انا كنت كذا )
حتى مكتب رقم ٤ صورته هههههههه وابدا ما انصدت وانا اصور  بس فدا البرستيج 
ومن الفرحه كنت بانسى فيزتي واطلع ما وقعت اوراقهم واخذ الايفون وامشي لما شفته حطه بالكيس ، لولا انه انتبه لي وقال لسه!! قلت اوه احسبك خلصت» لا اجل قايمه رايحه فين مثلا بتسلمي عالجالسين! 




وصلت الدوام وانزل بكيستي الجميله البيضاء .، وواضح لكل الموظفين اللي واقفين برى ان فيسي يقول انا متاخره رايحه اشتري ايفون  بس ولا بيهمني » في اهيط 
طبعا لاني اعرف صاحباتي راح يفتحوه رحت قفلت عليه بالدرج » ما قلت لكم قرويه 
وطول الوقت استنى بس متى اوصل البيت من شان اصوره » ياربي في اقرو من كذا اتحداكم ترى انا متفشله من نفسي الحين بس جالسه اسايرها 



المهم وصلت البيت وبديت شغل قراوى اكثر ، جلست اقهر اخواني .، بس للاسف ما فزت كلهم ناظروني وقالوا اييييييييه ع بالنا ايفون ٥ -ــــــــــــــــــ- كيف التحطيمه ! بس لا تخافوا علي ماهموني التصوير اشغل مخي !



وبديت تصوير عمليه فتح وتسجيل ما ادري تفعيل ايفوني العزيز! 

















و يدي الجميله » اللون يعني قولو ايه جميله





و مباركين عرس الاثنين ليله ربيع وانتي قمرااااااااااا ( عروستي الجديده )



عموما هذي الابلكيشنز اللي نزلتها اليوم ، تحسو بالحماس بس 
اللون الخفيف هذا الابلكيشن الاصليه مثل ما بتعرفوا سوو انا نزلت بس الصفحتين الاخيرتين 
واذا تعرفو قيمز جميله اعطوني خبر




وبما ان روقت ان ايفوني وصل بالسلامه 
فهذي اهديها لي منكم



الخميس، 12 مايو، 2011

Mental disOrders


والله واحشني زمانك ، جلستك حضنك حنانك .. اليوم مودي رايق جداً و يارب يكمل ! احيانا لما اروق ما ودي احكي مع احد اخاف يخرب جوي .. في احد يحس مثلي!؟ او انا انسانه شاذه و عبيطه كالعاده 




تعرفو الاحاسيس لما يكون عندكم اجتماع او مقابلة شخصية ، او اختبار .. او اي قرار تبغوا تتخذوه بحياتكم
بطنك يالمك ! تروح الحمام وانتوا بكرامه الف مره ! عيونك تزغلل .. شوي وتقول يخرب شكلكم بطلت ما ابي شي خلوني عالراحه اللي انا فيها.. مانو الجميلة جالسه تقرا عن هذا الموضوع .. وراح ألخص لكم الأنواع "تلخيص قوي جدن "



تأثير الاضطرابات النفسية هي ٣ أنواع فرقهم عن بعض فروقات بسيطة بالنسبه لي جلست ساعه اقلب الصفحات ابي افهم اش الفرق غير الاعراض فلجأت للانترنت بالنهاية
عموماً المهم الواحد يستوعب انه الحالات الصغيره اللي تصيبك ما توصل بخطورة الاضطراب النفسي بقوته يعني بلا وسوسة تري موضوع فله حجاج مو تروحو تبلعوا من هالحبوب ع اساس علاج وتقولوا مانو قالت!





الاضطرابات النفسجسمية ( السيكوسوماتية)

هي مجموعة اضطرابات "وهمية" تأثر على وظائف الجسم ، فتشوفها و كأنها اعراض مرضية عضوية كمثال أعياء و إجهاد شديد ، ارتفاع ضغط الدم بدون أسباب لحدوثه ، معاناة من قرحة المعدة وقرحة الاثني عشر ، حالات اسهال وامساك وانتوا بكرامة ، حالات ربو و صداع نفسي... الخ

هذي الاضطرابات يعملها جسم الانسان من شان يحصل تعاطف الآخرين معاه بطريقة مقبولة اجتماعياً ! » يعني جسمك اذكى منك
اهم الانفعالات اللي تؤدي لظهورها : القلق ، الغضب ، الخوف ، الشعور الزائد بالنقص ، المبالغة في الشعور بعقدة الذنب ، الشعور بعدم التقبل الاجتماعي

الدراسات العلمية أشارت انه نصف اللي يتغيبوا عن عملهم يعانوا من هالشغله ! .. ياحبني لي ما اغيب مافيني شي » ابد ما تنتفض قبل كل اجتماع


هستيريا خطوط الانتاج

نوع من الاضطرابات يحصل بشكل مفاجئ وتكون على شكل صحي .، فجأه تزغلل عينك او تصدع ، تحس انك تبي تستفرغ وانتوا بكرامه، تشتكي من ضعف العضلات وصعوبة التنفس
غالباً تصيب النساء العاملات بأماكن مشحونة بالضغوط النفسية و الجسمية.

يحدث هالاضطراب لما يجد الانسان نفسه في موقف صعب التعامل معاه فيصيبه احساس بالتهديد بشكل خفي، برضه شعور الملل يلعب دور مهم بحدوثه خاصه للناس اللي تمارس أعمال نمطية متكررة روتينية (مثل النصر دايم خسران ) فيصاحب الملل توتر عضلي


عصاب القلق 
هو أحد الاضطرابات العصابية . و برغم ان سلوك المضطرب ظاهريا طبيعي الا انه بنفس الوقت يعاني من اضطراب فكري وعدم القدرة على التركيز ، توتر نفسي وجسمي يؤدي الى سرعة الغضب والاندفاع والشك و التردد والشعور بالارهاق النفسي والتعب الجسمي وفقدان الشهية و اضطرابات النوم.
من المشاكل اللي تأثر على سير العمل انه الشخص المصاب بعصاب القلق يكون عجاز وماله خلق يشتغل بكفاءه مهما كان مقدار ذكائه، ويجلس مع نفسه ويسحب عالعلاقات الاجتماعية والانسانية . يكون بطئ ومتردد بقراراته، وراح يفتقد للمرونة ويكون جامد سلوكياً بتعامله.




**


طبعا ارجع اكرر مش معناته ان فيك هالاعراض خلاص انت مصاب نفسياً ! وبرضه كثير من التشخيصات الخاطئه حصلت بسبب تشخيص خاطئ لهذي الاعراض واتخذت كأعراض جسمانية صحية.




كيف الاختصار بس ! تحسوه من سوالف الضحى



لخميسكم و للمود الجميل