الثلاثاء، 16 فبراير، 2010

dreams cOme true






اول حاجه امس قبل انام كنت احكي مع انسان عزيز ع قلبي .، انه عملت كاونت صغير للهيتز بس مافي الا ١٥ :( 
لما فتحته من شويه حصلته فوق ٣٠ ماتعرفو اش قد انبسطت .، ميبي انه صاحباتي وصاحبيني ،وخيتو هم اللي وصلوه لهذا الرقم .، لكن كمان اسعدني ربي يسعدهم .، حسيتني شي مهم ككك


المهم .، من زمااان وموفي julie and julia عندي لكن لسه اشوفه اليوم > لا تسالو ليه التاخير لاني مااعرف اش السبب
المهم حبيت الفكره بالحكايه كثير .،
كيف الاحلام ممكن تتحقق لما احنا حابين نحققها
وكيف انه كل حاجه تتسهل مع الدعم النفسي ، كيف انه جولي وجوليا حققو حاجه كبيره بحياتهم ونجاح كبير رغم انهم فشله ويميلو للهروب من اي ضعف بحياتهم لكن مع دعم ازواجهم وصلو ~ قبل انسى حكايه الموفي حقيقيه


لكن لما نجي لعند حياتنا اغلبيه الوسط المحيط ماافي الا تكسير مجاديف :( حاجه تقهر بصراحه


وكمان شغله ثانيه حبيتها .، وهو كيف تكتشف الجانب اللي ممكن تنجح فيه ، مهما وصلت لليفل كبير في مجالك لكن انت ماعندك اي حب فيه ماراح تنجح نجاح مبهر
الشغله الغريبه فينا انه اشياء كثيره نحبها لكن لما نجي حابين نطور حاجه معينه فينا توصلنا لنجاحات بطله نهنق :s
مو عارفين اش اكثر حاجه ممكن ننجح فيها اش اكثر حاجه راح تشكل تحدي لنا اش اكثر حاجه راح تبقى فينا الرغبه والعزم انه نواصل فيها .،
لكن لما يكون بجانبنا شخص يهتم ويفهمك فتحصل عنده الجواب ببساطه .، لكن مو الجواب الصريح يعني مو تتكي وتحط رجل ع رجل وتقول اصلا لو يحبوني ولو يهمتو علموني .، 
لكن راح تعرف من توجيهاتهم واقتراحاتهم .، سوو افتح اذنيك واسمع من الناس اللي تحبك حتى لو كان ضد مخاوفك حاليا 
لانه هم اللي راح توصل معاهم لمراتب النجاح 


بالاخير ناسك حسب اختياراتك


{ لما تحصل حلمك لا تفكر كثير وتتراجع اكثر .، جست غامر يكفيك شرف المحاوله }




~ فلسفه تقبل الاعتراض والتأييد

ليست هناك تعليقات:

إرسال تعليق