الخميس، 13 مايو 2010

sO I believed in my mOther
















فاينلي نمت نوووم مضبوووط .،
لي يومين بس ماشربت لا قهوه عربيه ولا حتى نسكافيه 
ع اني مااعرف افتح صباحي الا بكوب كبر راس خيتو اللي جالسه تعمل تي شيرتات وانا ساحبه علي ( فيس يقول لو ماترسميني سرقت كل تي شيرتات صاحباتك وبعتهم)
المهم كل هذا المنع خوف ان البنج مايعمل مضبوطمع دكتوري الجديد ثم افقع فيسه واعمل له مناحه 
بس الاستفاده البطله اني نمممممممت ١٢ ساعه متواصله زماااااان مانمت هيك مررررررره يالله وحشني سريري خاطري الحين اروح ابوسه ابوسه واقول ربي لا يحرمني منك 
لو يقولو دلعي روحك باي قيمه راح اشتري اغلى سرير بالعالم مو مهم شكله قد مايكون مريح ثم انام شهر 




المهم بلاش شطحات كثيره .، اتوقع عرفتو كثير ان عنصر اللقافه من العناصر الاساسيه فيني
واحب اقرا البيوغرافي كثير اللي فيها حكايات تخليك تقول فين اليس وبلاد العجائب اصير ارنب اصير ديمن 
اصير اكه اصير العب بلوت « بس خلاص بلا مصاله « تامري امر وجع فشلتني روحي


عندي لكم حكايه وحده بطله انسانه حبيتها حبيتها كثير حسيتها صديقتي الجديده

 Wilma RudOlph 


الخاله المملوحه وهـ وهـ يبي لها بريسز .،

هذي الانسانه شي قديم من مواليد ١٩٤٠ .، عندها ٢١ اخو واخت « فريق كامل خخخ
الانسانه هذي من انولدت وهي من مرض لمرض وامراض شديده جدا مثل النكاف والجديري والحمى القرمزيه والالتهاب الرئوي المزدوج .،

ومثل ماحكينا قبل عندها ٢١ اخو واخت يعني حتى لو اهلها اتجر شي بالعالم ماراح يقدرو يعالجوها كويس كيف وهم ماديتهم لك عليها

 وبالاخير  قدر الام تاخذ بنتها ع مستشفى وكانت النتيجه « شلل أطفال »

كانت حالتها سيئه و الاطباء يكررو انه مستحيل هذي البنت تمشي ولسه عمرها ٣ سنوات ياحياتي
والبنت مررررره تازم وضعها وهالعالم بس تكسر فيها وتحبطها انه تمشي عسى بس لا تحلمي كثير
واقول تاقلمي مع وضعك والحكي اللي لا يسمن ولا يغني من جوع

لكن الام كانت مصره انه بنتها ماتبقى بهيك وضع 
واخذتها ع الجلسات الطبيعيه وكل مره تشوف بنتها متأزمه تقول لها " راح تمشي من جديد
ياحبي للامهات يخلي لي مام يارب 




لما وصل عمرها ٦ سنوات .، قررو يركبو لها الاقواس المعدنيه ( مم اتذكر واحد صغير كانو مركبينها له )
ويلما وقتها كانت تحس الاقواس هذي بس تسجنها وتمنعها انه تروح للمدرسه وبس تحلم انه تكسرها وتركض 

كراهيتها للاقواس تحولت لقوه عزم واجتهاد وتمارين طبيعيه تعملها بالبيت ساعدها احد اهلها فيها

وفجاه بيوم من الايام
والخوال مجتمعين بالكنيسه
ويلما تدخل عليهم تمشي !! بدون اي مساعده !!
بعد كم سنه عناء وشلل وشغلات ربي يكفينا شرها !!
تمشي تمشي ياهوه » تحمست

لكن ويلما ماانتهت هون وفرحت انها تمشي وانتهينا ، احلامها اكبر من مشي وبس
كلنا نقدر ننجح بمعركه وحده بس مو الكل يقدر ينجح باكثر من معركه


دخلت الثانويه .، وسجلت بالباسكت بول 
لكن للاسف جلست ٣ سنوات احتياط،، بس تشوف العالم تلعب وتركض وهي ع الكرسي تراقبهم تستنى متى تجيها الفرصه وتنطط معاهم .، لكنها استغلت الفرصه بانها تراقب الحركات وتدرسها وتفهم العبه كويس

» ما ملت وقالت ساحبين علي راح انقل مكان ثاني لا ياقلبو اخذت الفايده صح

في السنه الرابعه المدربه تركت ويلما تلعب مو بس تلعب لا كمان كابتن الفريق !
بالرغم من ان تيمها خسر البطوله الا ان اللي يجوو من الجامعات يراقبو اللاعبين ويعطوهم المنح كانو متواجدين
فالمرسول من جامعه ولايه تينيسي حطو عينهم على صديقتنا ويلما 
وارسلو لها دعوه للانضمام تشارك باسمهم في سباق العداء، وهي لسه ماخلصت الثانويه !!!

برغم انه خسرت اول مشاركتين الا ان مدربتها زادت لها وقت التدريب .، و علمتها تكنيك التنفس واستراتيجيه السباق 
وعملت لها عقاب كل دقيه تاخير بالدوره الوحده تزيد عليها دوره كامله ثانيه
وصارت التمارين بالنسبه لويلما مو لهدف الفوز بالمنحه الدراسيه .، 
صار همها انها تكون جزء من الوقت 



كل هذا رجع لها بفايده بطله 
فسباق العدائين ارسلوا لها دعوه للتصفيات للمسابقه الوطنيه ثم الاولمبيه واللي فازت فيها بالميداليه البرونزيه 
بمسابقه ١٠٠ متر
كل هذا وعمرها ١٦ سنه بس  ( وانت وهي عمركم ١٦ سنه وبس تبكبك ع اختبارات القياس .، ربي يستر ع خيو بعد ويعديه)

بعد هيك قررت انه ترجع تكمل بالمسابقات لكن بعد ان تحصل ع المنحه الدراسيه الكامله بالجامعه .،

و حصلت اللي تبيه ! ( كييييف بس  خاله ماتلعب وهـ فديت الخوال)

بعدها قدمت ع ٣ مسابقات بروما .، بالرغم من انه كانت تعاني بالتواء في الكاحل لكنها اصرت وعزمت رايها انه راح تنجح يعني تنجح
وشاركت بالمنافسات الثلاث وخلت العالم كله يوقف ع رجل ويصفق لها بدون وعي !!
كسرت الرقم القياسي للعالم كله 
بسباقات ١٠٠ متر و الـ ٢٠٠ متر والـ ٤x١٠٠ متر

حتى الصحافه الاوربيه انجنت عليها وصارت تطلق عليها القاب من ضمنها 
The Black Gazelle - الغزال الاسود
The Black Pearl - اللؤلؤه السوداء

( ( ما كأن النصر لاطش ذا الاسماء )

وكمان كانت اول إمراه امريكيه تفوز بـ ٣ جوائز  .، واطلقو عليها لقب 
Fastest Woman in the Worldاسرع امراه بالعالم

بالاخير توفت صديقتي الخاله بسرطان بالمخ لكن بعد ماالهمت ناس كثير بمسيرتها 







اقتباسات لصديقتي ويلما /

My doctors told me I would never walk again. My mother told me I would. I believed my mother.

 

My mother taught me very early to believe I could achieve any accomplishment I wanted to. The first was to walk without braces


When the sun is shining I can do anything; no mountain is too high, no trouble too difficult.


I believe in me more than anything in this world.



وهـ تعبت وانا اكتب بس تستاهل حكايتها
برب انام  

هناك 4 تعليقات:

  1. الله عليها ..وربي بطلة بقوه بقوه بقووووووه
    يعني مو بس تلهم الا تخليك تحتقرين اي شي يوقف قدامك مهما كان صعب ماراح يكون اصعب من الي مرت فيه (ويلما)
    يعني كانت مصره و صامده الى ابعد الحدوود وكانت مؤمنه بنفسها اكثر شي با الحيااة !
    سبحان الله ..الله يرزقنا ذا العزيمه والقوه الي عندها

    يعطيك الف عافيه على ها البوست الروعه

    ردحذف
  2. يسلمك ربي جودي .،
    ماتصدقي اش قد حبيـــــــتها قوه ايمان بالنفس مو طبيعيه
    يسعدني وجودك

    ردحذف
  3. حبيت بروفايلك وه بس ,,,

    ردحذف