الأحد، 17 أكتوبر، 2010

arabic issue on BB 9700






















اهلن  » فيس يقول ادري اني طولت وما عندي سالفه
تصدقو كل يومين اقول ابكتب عن هذا الشي ثم اقول يؤ ما خلصت هذا السيزن واتفلت عليه وانسى اش ابكتب عنه
المهم اني اوب قايله اني طولت عليكم لانكم شبعتو من هالحكي .،

من فتره كادت اللقافه ان تفتك بي وتركتني اعمل ابقريد للبي بي والله لا يعيدها لقافه
ومثل ماتسمعو كثير عن العربي اش قد ينحاس بعد الابقريد وهذا الشي مايحصل الا بالغبي اللي بالصوره اللي فوق » بس كيف تصويري ماتحسوني متكيه بكافيه اندونيسي واتعلم السحر 

المهم اني حاولت اصبر عليه يوم يومين لكن ماقدرت
كل ماجيت احكي مع احد وخاصه البثرين اللي اكتبي عربي اتوهق واكتب اشياء خطا وتنتهي القضيه اني ارسل كل السالفه فويس نوت
والله لا يوريكم بس الصوت مره نايمه مره مايدرو اش اقول مره اسوي نفسي اوب في اماكن بايخه اوي » يعني حمام مثلا! وانتو بكرامه


وجا الخميس واجلس عليه من الظهر للعشا ما ظل طريقه بالنت الا عملتها و ما ضبطت
وجا الخميس واحصل ببلوق لوحده دبدوبه اتوقع امريكيه طريقه الوايب ( فورمات البي بي )
و٧ مرات اجربه وما يضبط المهم
كل شويه احووووس وارجع كانك يا ابو زيد ماغزيت
اخر حاجه
قريت بمكان ما نسيت بصراحه فين وحده تقول ان السوفت وير لما يكون العربي ملخبط فمعناته ان الفيرجن مو اصلي
طيب انا منزله من الويب سايت الرسمي !!!
اخر حاجه قمت اجرب امره انزل حق الاردن
مره حق عمان

ولما جا يوم السبت وارجع من الدوام واصحى بالليل والنفسيه تحت الصفر بمسافه
وافتح حق الامارات  .، اللي لما خلصت شوي واروح احط روج احمر واطبع بوسه ع كلينكس وارسلها للامارات من الفرحه






 الحل 

كثرت حكي مو
خليني احكي لكم كيف الطريقه البسيطه اللذيذه حسب اللي عملته انا .،
حذفت من جهازي كل حاجه تتعلق بالبلاك بيري
بعدها نزلت من السايت الرسمي الديسك توب مانجر فيرجن ٤.٧
بعدها دخلت ع الديفايس سوفت وير للامارات ونزلت الفيرجن ٥.٠.٠.٣٢١

١- تثبيت الديسك توب مانجر
٢- تثبيت الديفايس مانجر
٣- تشبك جهازك بالبي بي
٤- تروح ع المكان هذا بجهازك ( ويندوز )
C:\Program Files\Common Files\Research In Motion\AppLoader
وتحذف ملف اسمه vendor.xml
٥- بعدها وانت في نفس الفولدر هذا يعني مو تروح تفتح برنامج الديسك توب مانجر
لا! خليك بنفس الفولدر وشغل loader.exe 
٦- كل الخطوات نيكست لما تجيك خطوه فيها انه تختار اش تبي يدخل بجهازك تاكد بس ان العربي عليه صح 
كمان تاكد انه تختار يعمل باك اب لجهازك قبل ما يبدا سوفت وير عشان يرجع كل صورك وارقامك لمكانها



طيب لما تنتهي راح يرجع لك الــBBM القديم مره ومافي احد يحبه اكيد .، يكفي انك تتخيله بدون صور !» يعني ما كانها عاشت معاه اول  سعوديه اش تتوقعو مني مثلا 
فعليك انه تنزل الجديد ومبروك عليك العربي يا سيدي








ليست هناك تعليقات:

إرسال تعليق